მფრინავი სკივრი - ხალხური ზღაპარი
ჰანს ქრისტიან ანდერსენის ჯადოსნური ზღაპარი მფრინავ სკივრსა და წინდაუხედავ ახალგაზრდაზე. მოუსმინეთ და იმოგზაურეთ თავგადასავლებით სავსე სამყაროში!
- ხანგრძლივობა
- მოსმენები
- 0 მოსმენა
შემსრულებელი
გიორგი ყველაშვილი, ნატა ბერეჟიანი, გიორგი ჯიქურიძე, ანა ქურთუბაძე, ალეკო ბეგალიშვილი, გოგა მოძმანაშვილი
ზღაპრის შესახებ
იყო და არა იყო რა, იყო ერთი ცნობილი ვაჭარი. თუკი გიყვართ ჯადოსნური ამბები, ჰანს ქრისტიან ანდერსენის ეს შესანიშნავი აუდიო ზღაპარი, რომელსაც „მფრინავი სკივრი“ ჰქვია, ნამდვილად მოგხიბლავთ. ვაჭარი ისეთი მდიდარი გახლდათ, რომ შეეძლო ვერცხლის ფულებით მოეპირკეთებინა მთელი ქუჩა თავის შესახვევიანად. მაგრამ ყაირათიანი და ჭკვიანი ვაჭარი ამგვარ სისულელეს არასდროს ჩაიდენდა. სამწუხაროდ, იგი მოულოდნელად გარდაიცვალა, მთელი სიმდიდრე კი მის ვაჟიშვილს დარჩა. შვილი მამას არაფრით ჰგავდა. როგორც კი მის ჯიბეში ოქრომ გაიჩხრიალა, ყოველ საღამოს მდიდრულ მეჯლისებს მართავდა. ბოლოს ოთხიოდე სკილინგი, ძველი ხიფთანი და წყვილი ქოშიღა შემორჩა. მეგობრებს ახლა მისი დანახვაც არ სურდათ. ერთმა კეთილმა ადამიანმა მას ძველი სკივრი და ბარათი გაუგზავნა, სადაც მხოლოდ ერთი სიტყვა ეწერა: „ჩაალაგე!“ ვაჭრის შვილს აღარაფერი ებადა, ამიტომ ადგა და სკივრში თვითონ ჩაჯდა. ეს სკივრი უბრალო როდი გახლდათ, ბოქლომზე შეხებისთანავე ჰაერში აფრინდებოდა. ვაჭრის შვილიც ასე მოიქცა და წამში ღრუბლებს ზემოთ მოექცა, თუმცა სკივრის ძირმა ჭრიალი დაიწყო! შეშინებულმა ბიჭმა გაიფიქრა: „სკივრი რომ გატყდეს, ამ სიმაღლიდან როგორ გადავხტე? ღმერთმა დამიფაროს ამისგან!“ საბედნიეროდ, იგი მშვიდობით ჩაფრინდა თურქეთში. სკივრი ტყეში ფოთლებით შენიღბა და ქალაქში გავიდა. სეირნობისას დიდი სასახლე შენიშნა, რომელსაც ფანჯრები თითქმის სახურავქვეშ ჰქონდა. გაკვირვებულმა ჩაილაპარაკა: „რა საკვირველი სასახლეა.“ ამ დროს ბავშვიანმა ძიძამ ჩამოიარა და ბიჭმა ჰკითხა: „მომისმინე, კეთილო ძიძავ, ვისია ეს დიდი სასახლე? ან ფანჯრები რატომ აქვს ასე მაღლა?“ „იქ შაჰის ქალიშვილი ცხოვრობს,“ — უპასუხა ძიძამ. — „მას უწინასწარმეტყველეს, რომ საქმრო დიდ უბედურებას მოუტანდა, ამიტომაც მასთან არავის უშვებენ, თუ თვით შაჰი და დედოფალი არ არიან გვერდით.“ ბიჭმა მადლობა გადაუხადა, ტყეში დაბრუნდა, ჩაჯდა სკივრში და პირდაპირ შაჰის ქალიშვილის ოთახში გადაძვრა. მძინარე, მომხიბლავი ასულის დანახვაზე თავი ვერ შეიკავა და აკოცა. შეშინებულ გოგონას კი უთხრა: „თურქების ღმერთი ვარ და შენთან ციდან ჩამოვფრინდი.“ შაჰის ასული მოიხიბლა. ბიჭმა მას ულამაზესი ზღაპრები უამბო. ბოლოს ცოლობაც სთხოვა და გოგონაც მაშინვე დათანხმდა: „აქ შაბათს უნდა მოფრინდე! ჩაიზე მეწვევიან შაჰი და დედოფალი. მათ გაუხარდებათ, რომ ცოლად თურქების ღმერთს მივყვები. ოღონდ, ეცადე უკეთესი ზღაპრები მოუყვე: დედაჩემს სერიოზული უყვარს, მამას კი — სასაცილო.“ „უეჭველად მოვფრინდები და ეს ჩემი საქორწილო საჩუქარი იქნება!“ — დაჰპირდა ვაჟი. შაბათს სასახლეში საუკეთესოდ მიიღეს. დედოფალმა სთხოვა: „მოგვიყევი ზღაპარი! სერიოზული და დამრიგებლური.“ „თანაც ისეთი, რომ გაგვაცინოს კიდეც!“ — დაუმატა სულთანმა. ბიჭმაც დაიწყო ამბავი ერთ ამაყ ასანთის კოლოფზე, რომელიც სამზარეულოს ნივთებთან ერთად თავის მაღალ წარმოშობაზე ტრაბახობდა. საუბარში თურმე ყველა ნივთი ერთვებოდა, ზოგი ცეკვავდა, ზოგიც თავის ისტორიას ჰყვებოდა. ბოლოს კი, როცა ასანთის ღერი აანთეს, იგი ერთ წამში ჩაიფერფლა. „რა დიდებული ზღაპარია!“ — შესძახა დედოფალმა. — „დიახ, თქვენ ჩვენი ქალიშვილის ღირსი ხართ.“ „რა თქმა უნდა!“ — დაეთანხმა სულთანიც, — „ქორწილი ორშაბათს იქნება!“ ქორწილის წინა საღამოს ქალაქში ზეიმი გაიმართა. ვაჭრის შვილმა იფიქრა, მეც უნდა გამოვიჩინო თავიო, იყიდა შუშხუნები, ჩააწყო სკივრში და ცაში ფოიერვერკი მოაწყო. ხალხი გაოცებული შეჰყურებდა. ბიჭი ტყეში დაეშვა და ქალაქში გავიდა ხალხის აზრის გასაგებად. ყველა აღფრთოვანებული ყვებოდა ციდან ჩამოფრენილ ღვთაებაზე. გახარებული ვაჭრის შვილი ტყეში დაბრუნდა, მაგრამ იქ საშინელება დახვდა: შუშხუნების ნაპერწკალს სკივრი გადაებუგა და ხის ქვეშ მხოლოდ ნაცარი ეყარა. მან ვეღარ შეძლო საცოლესთან გაფრენა. შაჰის ასული დღესაც სახურავზე დგას და ამაოდ ელის, ვაჭრის შვილი კი დადის ქვეყანაზე და ზღაპრებს ყვება, თუმცა მისი ამბები აღარასდროსაა ისეთი მხიარული.
